Gemienteroad gistren in St. Julia - geeupdatet

k'schrijve da stukske in t'schuunste boers dak kenne. Weete woaromme ? Omda k'vrie kwoad benne. Kwoad uup sommichste mensjen hiere in St. Julia. Omdatte die mensjen menne blog zitte te vertoalen mee goegel omda ze schoa zijn dak ietske verkierd zuu srijven over ulder. De miesten weeten hiere dak rondluupe mee een lijste vuur handtiekningen tegoare te roapen vuur ulder strontwinmeulens. Gistren woast gemienteroad en kben mee nen kameroad noertoe gegoan. Nen kameroad die uuk mee die selfste lijste rondluupt. We hemmen al mier of tzestig handtiekens van almaal mensjen die uuk teen die winmeulens zijn.
We wildegen gistren einleik wel die gasten up den gemienteroad beesig sien. En uuk huuren wa da z'allemaol zoen stemn. Der zijn der vijve veur en viere teen. Wa wilt da seggen? Da zulder huurpermisie goan tiekenen mee dienen tiep van de winmeulens. Moar tons zen ze nog nie geried mee ons zunne. Wulder goame neu noar tgerecht, allei toch zuiets in dienen oard. Mee al die zantjes woar da die handtiekens opstoan. We zulmse ne kier ulder leske lieren!

Veur men kameroaden diet tvlaamsch keun : da stukske goat nie lange up menne blog stoan. kwildige aliene ne kier wetn hoelange da tgoat duuren ier da ze huul diene boel vertoald krijn mee goegel. kzal ulder op dhuugte houwen !

Ge meug me nen meel stuurn oas ge guul da boelke hier nie verstoat zenne ! ksture ulder tons wel mennen juusten  oatleg.

vinde da neu goe gedoan van me ? Ze pensen sulder hiere da die belgiese boerkes achterluupen zekerst ?

Mee al de sinezen, moar nie mee den deesen zoeme zegn ze be ons hé.

Ewel,weete wa ? tes neu koartje noar den achten en se sijn al beesig mee te kekken wa vuur een toalke da da zoe keunen zijn... da stuksken ek gescreven om twintig noar den zevenen. vried rap hé die onnuuzeloars

In totoal hen zet vijvendertig kieren wiln vertoalen... tot vandeneuchtink toe. Aos da gien goeie "smeete" van me es hé.
z'ent zelfst gemiend te keunen vertoalen mee den duitschen googel en babelfish.

Comments

[Polleke]

klein korrèkse: bij jons ist Goegel, moar bai olle ist Hoehel. Mè een H, da's die letter woarmeej die boerrekes van over 't woater zoeveul last emme!
:-)

[maske]

hen zet proberen vertoalen. mee vanalles en nog wa. moar ik hen toalemoal uitgetest en trekt opniets. zuudus ze kun der niets van moaken. Oas da gien goe gedacht van me gewesst es. wunder zitn ons hier al nen huulen dag te verkneuknlen jongske. ik vinde da toet neu toe mijnen gruutste stuut dak ulder kost andoen...

[marina]

vreend goe bezig jong ge zoet da meer moeten doen zeu dan ze gelemoal zot zoen worren van da vertoalen da lukt nu toch nie mee google ze